প্ৰাৰ্থনা

                      প্ৰাৰ্থনা

               (খাতিছো মাধৱ)

খাতিছো মাধৱ              প্ৰাণৰ বান্ধৱ
            ভকতি  অমিয়া দিয়া ।
বিপদে সম্পদে          লওঁ তোমাৰ নাম 
            কৰিবা দয়ালু  দয়া ।।
ৰাম ৰূপে তুমি          পিতৃ বাক্য পালি 
            কৰিলা ৰাক্ষস ধ্বংস ।
কৃষ্ণ  ৰূপে তুমি           গোপীক মুহিলা 
            বধিলা পাপিষ্ঠ কংস ।।
নৰসিংহ  ৰূপে         দৈত্যেন্দক বধিলা 
            হিয়াত নখে বিদাৰি ।
ভক্ত প্ৰহ্লাদ ক           আৱৰি ৰাখিলা 
            তুমি দয়াময় হৰি ।।
যুগে যুগে তুমি             সত্যহে প্ৰচাৰা 
           পাপ তাপ নাশ কৰি ।।
তোমাৰ চৰণে            পশিলো শৰণ 
            ৰাখা দয়াময় হৰি ।।